INTERVIEW BY: KHYNE PALUMAR
PHOTOS COURTESY OF MARIA CAFRA
November 12, 2009 | 5064 views
Staple Maria Cafra elements that can't be discounted in every performance?
Dennis: Ang hindi mawawala sa lahat yung pagsusunog ng gitara
Resty: Hindi din naman yun lang. Naging trademark yun, pero nasa puso pa din yun, kasi alangan namang buong set mo nagsusunog ka na lang ng gitara. Nasa lyrics din, nasa sagutan ng bawat miyembro sa banda, nasa Pinoy songs na purong Tagalog, tapos andiyan din yung mag-iisip yung mga nakikinig na "Ano yung umiikil-kil? Ano yung pag-irog? Malalim na tagalog talaga.
Playing as Maria Cafra again is a lot like...
Rolly: Sa akin, kung paano tumibok ang puso ko nung first love ko, same thing na nararamdaman ko yun sa music. (laughs) Sarap na sarap ako sa tempo at mga bagsakang pak! ganun. Andun yun sa bawat indayog.
Dennis: Pag ako naman tumutugtog, para akong nakikpag-sex sa gitara ko. Kasi pag nandun ka na sa stage, ineenjoy mo yung gitara mo, pati yung piyesa ng mga kasama mo.
Resty: Kahit anong instrumento, pag hindi mo binigyan ng feeling, walang kwenta yan, para kang wall na walang paint. Blank. Wala. Kailangan lagyan ng kulay.
Dennis: Kung sa kanya kulay, sa akin naman lagyan mo ng libog. Para mas malambing, mas masarap. Ha ha ha!
Resty: Oo, ganun talaga.
If Maria Cafra were a person, what kind of character would he be?
Resty: Siguro tahimik na tao yan, bukod dun natural lang na tao: umiinom, nakikinig sa music, at saka mahiyain, mahiyain siya (laughs).
Some of you are in your 60s, how long do you plan to do this?
Resty: Basta tutugtog lang kami, whatever comes, yun na yun. Tutugtog lang kami tapos magiging positibo, pag positibo ka naman, maganda yung kalalabasan ng mga bagay, tulad nitong first gig namin, hindi mo i-eexpect dahil wala kaming masyadong ensayo, pero okay pa din.
Dennis: Hindi pa namin masasabi kung anong mangyayari, pero kung ako tatanungin, next year--concert, album, ready na kami.
Romy: Kasi meron naman silang magandang tanim noon kumbaga sa pangalan, naalala ng tao yung mga kanta, kung gusto mo lang mag-produce ulit, kailangan mo pagbutihin yung kanta, para hopefully pati yung mga kabataan ngayon, papanoorin ka. So mas dagdag pa.
Click here to read the 25 Trivia Bits about Maria Cafra
